HERMANUS – Twee mense is dood in ‘n ongeluk in Onrus gisteraand. Volgens die hoof van Hermanus se speurtak, kol. Nicky Steyn het die ongeluk omstreeks 21.30 gebeur. Klaarblyklik het die bestuurder beheer oor die voertuig verloor, waarna dit gerol het. Die voertuig het teen ‘n huis te lande gekom. Die bestuurder is dood agter die stuurwiel gevind. Die lyk van nog ‘n insittende is eers vanoggend op die dak van ‘n naburige huis gevind. Die bestuurder was van Hermanus. Die ander insittende is nog nie geidentifiseer nie.
